سابق بھارتی کپتان سچن ٹنڈولکر نے معروف موسیقار استاد ذاکر حسین کے ساتھ لائیو پرفارمنس کرکے سب کو حیران کر دیا ہے۔
ممبئی: (ویب ڈیسک) سابق لیجنڈری بلے باز سچن ٹنڈولکر نے کرکٹ کے میدان میں اپنی صلاحیتوں کا لوہا منوانے کے بعد اب موسیقی کے میدان میں انٹری دے دی ہے۔ گزشتہ دنوں ممبئی میں ہونے والے ایک کنسرٹ کے دوران سچن نے بھارت کے معروف طبلہ نواز استاد ذاکر حسین کے ساتھ طبلہ بجاتے ہوئے ایسی شاندار پرفارمنس دی کہ شائقین داد دیے بغیر نہ رہ سکے۔
Sharing the stage with the Ustad & sharing beats that created a rhythm so unique. It s an experience I’ll hold close to my heart, always pic.twitter.com/V4VSsrKign
— sachin tendulkar (@sachin_rt) January 10, 2017
اس موقع پر سچن ٹندولکر نے استاد ذاکر حسین کے ساتھ طبلہ بجاتے ہوئے اپنی صلاحیتوں کے جوہر دکھائے تو شائقین جھوم اٹھے۔ اس سے پہلے سچن ٹنڈولکر نے سماجی رابطوں کی ویب سائٹ ٹویٹر کے ذریعے اپنے مداحوں کو پیغام دیا تھا کہ وہ استاد ذاکر حسین کے ساتھ لائیو پرفارمنس دینے جا رہے ہیں۔
