پشاور: (دنیا نیوز) پاکستان کی پہلی زلمی مدرسہ لیگ کا آغاز 28 اگست سے پشاور میں ہوگا، ثقلین مشتاق کا کہنا ہے کہ زلمی مدرسہ لیگ سے نیا ٹیلنٹ اور چھپے ہیرے تلاش کرکے پاکستان کرکٹ کو دیں گے۔
پاکستان سپر لیگ کی فرنچائز پشاور زلمی کی زلمی فاؤنڈیشن کی جانب سے پاکستان کی پہلی زلمی مدرسہ لیگ 28 اگست سے پشاور میں شروع ہو رہی ہے۔ مخلتف مسالک سے تعلق رکھنے والے 12 مدارس کے طلبہ اس منفرد لیگ میں شریک ہوں گے، جہاں پہلی بار مدراس کے طلبہ کو اپنی کرکٹ کی صلاحیتیں دکھانے کا موقع ملے گا۔
Presenting to you the 12 teams that will be participating in the #ZalmiMadrasaLeague. The first match will be played on 28th August at Arbab Niaz Stadium, Peshawar. Come and witness the Madrasa Students in action. pic.twitter.com/d9R4yNV7UE
— PeshawarZalmi (@PeshawarZalmi) August 26, 2018
پاکستان کے سابق نامور آف اسپنر اور پشاور زلمی کے اسپن باؤلنگ کنسلٹنٹ ثقلین مشتاق نے زلمی مدرسہ لیگ کے انعقاد پر چیئرمین پشاور زلمی و زلمی فاؤنڈیشن جاوید آفریدی اور پوری ٹیم کو مبارکباد پیش کی۔ زلمی مدرسہ لیگ کے حوالے سے اپنے خصوصی انٹرویو میں ثقلین مشتاق نے کہا کہ مدراس کے طلبہ کو مین اسٹریم میں لانا اور انہیں کرکٹ کے میدان میں صلاحیتوں کے اظہار کا موقع دینا بہترین اقدام ہے۔
As we promised, we bring you the #ZalmiMadrasaLeague starting from the 28th of August. For the first time, we are bringing Madrasa Students into the cricket arena who had been neglected for so long. By promoting such activities, we can portray a positive image of Pakistan. pic.twitter.com/yzKgmkiTU6
— Javed Afridi (@JAfridi10) August 26, 2018
انہوں نے اس عزم کا اظہار کیا کہ زلمی مدرسہ لیگ کے میچز میں وہ کرکٹ کا نیا اور چھپا ٹیلنٹ تلاش کرنے کی کوشش کریں گے۔ لیگ کے دوران کارکردگی دکھانے والے کرکٹرز کو کوچنگ اور رہنمائی فراہم کی جائے گی۔ ثقلین مشتاق نے امید ظاہر کی کہ گلوبل زلمی، زلمی اسکول لیگ اور زلمی آزادی کپ کی طرح زلمی مدرسہ لیگ بھی پشاور زلمی اور زلمی فاؤنڈیشن کا کامیاب ایونٹ ثابت ہوگا۔
With 3 days to go to the #ZalmiMadrasaLeague, here is what our Madrasa students have to say about this brilliant initiative.
— PeshawarZalmi (@PeshawarZalmi) August 25, 2018
12 Teams. 1 Champion. pic.twitter.com/dTGHgAXHti
زلمی مدرسہ لیگ کا انعقاد پشاور زلمی، زلمی فاؤنڈیشن اور ورلڈ کونسل آف ریلیجنز کی مشترکہ کاوشوں سے کیا جارہا ہے۔ لیگ کے تمام میچز 28 سے 31 اگست تک ارباب نیاز اسٹیڈیم پشاور میں کھیلے جائیں گے۔ لیگ کا پہلا میچ الحق سمیشرز اور المصادق فائٹرز کے درمیان ارباب نیاز اسٹیڈیم میں کھیلا جائیگا۔پشاور زلمی کے ہیڈ کوچ محمد اکرم اور پاکستان کے سابق ٹیسٹ کرکٹر مشتاق احمد بھی افتتاحی میچ کے موقع پر موجود ہوں گے۔
#ZalmiMadrasaLeague Schedule of matches.
— PeshawarZalmi (@PeshawarZalmi) August 27, 2018
The league will start from tomorrow. Semi-Finals and Final will be held on 31st August 2018 at Arbab Niaz Stadium, Peshawar. #HumBhiKhelengay pic.twitter.com/XI7xQDBAXw
یاد رہے کہ ایونٹ کے سیمی فائنلز اور فائنل 31 اگست کو کھیلیں جائیں گے۔ ریجنل لیول پر ہونیوالے پہلے مرحلے میں 12 ٹیمیں شریک ہوں گی۔
