لندن: (ویب ڈیسک) ایشز سیریز کھیلنے میں مصروف آسٹریلوی ٹیم کو دھچکا لگ گیا، ٹیم کے اہم ستون سٹیو سمتھ تیسرے ٹیسٹ سے باہر ہو گئے ہیں۔
خبر رساں ادارے کے مطابق کرکٹ آسٹریلیا نے اعلان کیا ہے کہ سٹیو سمتھ ایشز سیریز کے تیسرے ٹیسٹ میچ کیلئے ٹیم سے باہر ہو گئے ہیں۔بیٹسمین کی جگہ سیریز کے تیسرے ٹیسٹ میچ میں مارنس لبوشین ہی فائنل الیون کا حصہ ہوں گے۔
This Deadly Bouncer From @JofraArcher to @stevesmith49 was Nastiest Delivery of the Match......
— Omkar Anpat (@IamOmkarAnpat) August 19, 2019
"Every Neck-Touching reminds me of Phil"#Ashes #ENGvAUS #Smith #JofraArcher pic.twitter.com/25fG8h4t3z
ان کا کہنا تھا کہ اسمتھ کو انجری سے بحالی کے لیے دو ہفتے کا وقت درکار ہے اور آسٹریلیا کو امید ہے کہ اولڈ ٹریفورڈ میں ہونے والے ایشز سیریز کے چوتھے ٹیسٹ میچ سے قبل مکمل فٹ ہو جائیں گے۔
ایک سال بعد ٹیسٹ ٹیم میں واپس آنے والے کھلاڑی نے ایجبسٹن میں کھیلے گئے پہلے ٹیسٹ میچ میں دو سنچریاں سکور کیں جبکہ دوسرے ٹیسٹ میچ میں پہلی اننگز کے دوران جوفرا آرچر کے باﺅنسر کا شکار ہو گئے جو سیدھا ان کی گردن پر لگا۔
سٹیو سمتھ کو ابتدائی معائنے کے بعد دوبارہ میدان میں آنے کی اجازت تو مل گئی لیکن اگلے روز ان کی حالت مزید خراب ہو گئی۔ جس کی وجہ سے انہیں تیسرے آرام سے باہر کر دیا گیا ہے۔
یاد رہے کہ سمتھ نے ایشز سیریز میں اب تک 142,144 اور 92 رنز کی اننگز کھیلی ہیں اور انٹرنیشنل کرکٹ کونسل کی ٹیسٹ رینکنگ میں وہ دوسرے نمبر پر ہیں۔