لاہور: (روزنامہ دنیا) سابق ٹیسٹ کرکٹر مشتاق احمد نے وزیر اعظم کی کورونا ٹائیگر فورس کی حمایت کرتے ہوئے اس فورس کا حصہ بننے کا اعلان کر دیا۔
انہوں نے سوشل میڈیا پر اپنے پیغام میں کہا کہ مشکل گھڑی میں قوم کو متحد ہونے اور حفاظتی تدابیر اختیار کرنے کا پیغام دیتا ہوں۔ تمام نوجوان کورونا وائرس کیخلاف بنائی گئی ٹائیگر فورس کا حصہ بنیں، وقت آ گیا ہے کہ بڑھ چڑھ کر ملک کی خدمت کی جائے۔
سابق ٹیسٹ کرکٹر مشتاق احمد نے وزیراعظم ٹائیگر فورس کی حمایت اور وزیراعظم ریلیف فنڈ میں خود بھی حصہ ڈالنے کا اعلان کیا اور اپنے ساتھی کرکٹرز سے بھی بڑھ چڑھ کر حصہ لینے کی اپیل کی @ImranKhanPTI @Mushy_online pic.twitter.com/GTYpZfYad2
— Javed badar Pakistan (@jkhanbadar) April 1, 2020
مشتاق احمد نے کہا کہ تمام کرکٹرز وزیراعظم ریلیف فنڈ میں اپنا اپنا حصہ ڈالیں، کورونا وائرس کے معاملے پر سیاست کے بجائے ایک دوسرے کو سپورٹ کریں۔
