نیو یارک: (ویب ڈیسک) اداکارہ ماورا حسین نے کینسر کے مرض میں مبتلا اداکار رشی کپور سے ملاقات کی اور ان کی عیادت بھی کی۔
سوشل میڈیا پر وائرل ہونے والی ایک تصویر میں دیکھا جا سکتا ہے کہ امریکہ میں اداکارہ ماورا حسین اداکار رشی کپور کی عیادت کر رہی ہیں۔ بالی ووڈ اداکار جو کافی عرصے سے کینسر کے علاج کے سلسلے میں امریکہ میں موجود ہیں جہاں اب ان کی حالت بہتر بتائی جا رہی ہے۔
She is the famous actor from Pakistan,Mawra Hocane (left) and her friend Khatija. Sweet of them to visit us https://t.co/YM1tztOyQ6
— Rishi Kapoor (@chintskap) June 14, 2019
اداکار رشی کپور نے ملاقات کے بعد ٹویٹر پر لکھا کہ پاکستانی اداکارہ سے مل کر خوشی ہوئی اور اچھا لگا کہ ماورا حسین نے ان سے ملاقات کی۔ یہ پہلا موقع نہیں ہے کہ ماورا حسین نے رشی کپور سے ملاقات کی ہو، اس سے قبل بھی وہ رشی کپور اور ان کی اہلیہ نیتو کپور سے ملاقات کر چکی ہیں اور انٹرنیٹ پر ماضی میں بھی ان کی تصاویر وائرل ہوئی تھیں۔
دوسری جانب رشی کپور سے دوران علاج امریکہ میں ملاقات کرنے کے حوالے سے ماورا حسین نے کچھ نہیں بتایا۔
@chintskap Chintuji who are these ladies.... Me too wana #selfie pic.twitter.com/17KB2wa0Jl
— SONIA CHOPRA (@SONIYALOVESYOU) June 14, 2019
یاد رہے کہ ایسی بازگشت بھی سنائی دی جا رہی ہیں جس کے مطابق پاکستانی اداکارہ ماورا حسین اداکار رشی کپور کی بیٹی ردھیما کی اچھی دوست بھی ہیں۔
