لاہور: (ویب ڈیسک) گلوکار شہزاد رائے نے گلوکارہ نازیہ حسن کا مشہور گانا زندگی کے چند بول گا کر مداحوں کے دل جیت لیے۔
سماجی رابطے کی ویب سائٹ ٹویٹر پر نامور گلوکار شہزاد رائے نے ویڈیو شیئر کی ہے جس میں وہ پاکستان کی پہلی پاپ گلوکارہ نازیہ حسن کا گانا ’زندگی‘ گا رہے ہیں۔
ویڈیو میں شہزاد رائے کو پیانو بجاتے اور نازیہ حسن کا گانا گنگناتے دیکھا جا سکتا ہے۔ گلوکار نے ویڈیو پوسٹ کرتے ہوئے لکھا کہ خالی کمرے میں محبت بھرے گیت گنگنانے کا الگ ہی مزہ ہے۔
My other room only has a piano in it . خالی کمرے میں پیار محبت والے گانے کا مزا ہی کچ اور ہے pic.twitter.com/z7SanthAMu
— Shehzad Roy (@ShehzadRoy) July 18, 2020
گلوکار نے ویڈیو پوسٹ کرتے ہوئے لکھا کہ خالی کمرے میں پیار محبت والے گانے کا مزا ہی کچھ اور ہے۔ شہزاد رائے کی آواز میں نازیہ حسن کے مشہور گانے زندگی کو مداحوں کی جانب سے پسند کیا جا رہا ہے۔
خیال رہے کہ پاکستان کی پہلی پاپ گلوکارہ نازیہ حسن 3 اپریل 1965 کو کراچی میں پیدا ہوئیں۔انہیں 15 برس کی عمر میں گیت ’آپ جیسا کوئی میری زندگی میں آئے تو بات بن جائے‘ سے شہرت ملی اور 1981 میں ان کا پہلا البم ’ڈسکو دیوانے‘ ریلیز ہوا جس نے تمام ریکارڈز توڑ دیے۔ وہ 35 سال کی عمر میں انتقال کر گئیں لیکن ان کی سریلی آواز آج بھی مداحوں میں بے حد مقبول ہے۔
