لاہور: (ویب ڈیسک) اداکارہ انوشے اشرف کا کہنا ہے کہ مرد میری تعریف کرتے ہیں اور یقینی بہت اچھا لگتا ہے لیکن جب خواتین تعریف کرتی ہیں تو مجھے دلی اور روحانی خوشی ملتی ہے۔
تفصیلات کے مطابق اداکارہ انوشے اشرف نے خواتین مداحوں کے پیغامات شیئر کرتے ہوئے مفروضے کے خواتین ایک دوسرے سے جیلس ہوتی ہیں اور تعریف نہیں کرتیں۔
اداکارہ نے انسٹاگرام پر خواتین کے ڈائریکٹ میسیجز (ڈی ایمز) شیئر کرتے ہوئے لکھا کہ دنیا بھر سے خواتین نے انہیں متعدد مواقع پر یہ پیغامات بھیجے۔
ان کا کہنا تھا کہ مرد میری تعریف کرتے ہیں اور یقینی طور پر بہت اچھا لگتا ہے لیکن جب خواتین میری تعریف کرتی ہیں تو اس سے مجھے دلی اور روحانی خوشی ملتی ہے۔
انوشے اشرف نے کہا کہ یہ پیغامات مجھے دنیا بھر کی خواتین نے 2 روز میں بھیجے ہیں، جنہوں نے خاص طور پر مجھے سراہا ہے اور محبت دی ہے۔ ان خواتین نے کسی کو یہ بتانے کے لیے وقت نکالا کہ وہ باصلاحیت اور متاثر کن ہے۔
اداکارہ کا کہنا تھا کہ اکثر تعریفیں صرف خوبصورتی تک محدود نہیں تھیں، انہوں نے تمام خواتین کی جانب سے اس محبت کا شکریہ بھی ادا کیا۔
انہوں نے لکھا کہ غیر جسمانی تعریفیں بھی کبھی کبھار بہت اچھی محسوس ہوتی ہیں، مجھے لگتا ہے کہ میرے پاس بہنوں کا بڑا سپورٹ سسٹم ہے میں ان سے کبھی نہیں ملی لیکن چاہتی ہوں کہ ان میں سے ہر ایک جانے کہ میں ان کی بہت شکر گزار ہوں۔
انوشے اشرف کا مزید کہنا تھا کہ منفی چیزیں جیسا کہ جلن، نفرت اور مقابلے بازی انسانی ہیں ان کا تعلق صرف خواتین سے نہیں۔ خواتین ہمیشہ ایک دوسرے کو نیچا نہیں دکھاتیں، وہ ہمیشہ ایک دوسرے سے جیلس نہیں ہوتیں، یہ غلط فہمیاں ہیں۔
اداکارہ انوشے کا کہنا تھا کہ لوگ اپنی صنف سے بالاتر ہوکر ایک دوسرے کو پسند ناپسند کرتے ہیں، کبھی کبھی ایک دوسرے سے جلتے بھی ہیں، یہ میسیجز اس کا ثبوت ہیں۔ وہ مرد جو مجھ سے اور میرے کام سے محبت کرتے ہیں میں ان سب کی بہت شکر گزار ہوں اور وہ خواتین و جو ایسا کرتی ہیں کاش میں انہیں گلے لگاسکتی، اس کی بہت زیادہ اہمیت ہے۔
اداکارہ انوشے اشرف نے پیغامات بھیجنے والی خواتین کے نام ظاہر نہیں کیے اور کہا کہ انہوں نے خواتین سے پوچھا نہیں ہے یہ پوسٹ بہت اچانک لگائی ہے۔
