نئی دہلی: (ویب ڈیسک) انڈین فلم انڈسٹری کے دو لیجنڈری اداکاروں عرفان خان اور رشی کپور کا ایک ہی ہفتے کے دوران انتقال ہوگیا جس سے ان کے مداح نہایت دکھ اور حیرانی کا شکار ہوئے۔ دونوں اداکاروں نے اکٹھے ’دی ڈے‘ نامی فلم میں کام کیا، عرفان خان کا انتقال 29 اپریل جبکہ رشی کپور کا انتقال 30 اپریل 2020 کو ہوا۔
عرفان خان کو بڑی آنتھ کے انفیکشن کے باعث ہسپتال میں داخل کروایا گیا تھا جہاں وہ جانبر نہ ہوسکے، جبکہ رشی کپور تقریباً 2 سال کے عرصے سے کینسر سے جنگ لڑ رہے تھے اور انہیں سانس لینے میں تکلیف پر ہسپتال میں داخل کروایا گیا تھا جہاں ان کا انتقال ہوا۔
اسی ہفتے بالی وڈ کے ایک اور لیجنڈری اداکار نصیرالدین شاہ کے حوالے سے بھی افواہیں سامنے آئیں کہ انہیں طبیعت کی خرابی کے باعث ہسپتال میں داخل کرایا گیا ہے۔
تاہم نصیرالدین شاہ کی فیملی سے بھارتی میڈیا سے بات کرتے ہوئے ان افواہوں کی تردید کردی اور واضح کیا کہ نصیرالدین شاہ بالکل خیریت سے ممبئی میں اپنے گھر میں موجود ہیں۔
نصیرالدین شاہ کے بیٹے اداکار ویوان نے بھی سماجی رابطے کی ویب سائٹ ٹوئٹر پر والد کے بیمار ہونے کی افواہوں کو بےبنیاد ٹھہرا دیا۔
اپنی ٹوئٹ میں انہوں نے لکھا کہ سب کچھ ٹھیک ہے، بابا بالکل خیریت سے ہیں، ان کی صحت سے متعلق سامنے آنے والی ساری افواہیں بےبنیاد ہیں، ہم عرفان بھائی اور چنٹو جی (رشی کپور) کے لیے دعا کرتے ہیں، ان کی بےحد یاد آرہی ہے، یہ یقیناً ہم سب کے لیے بہت بڑا نقصان ہے۔
All well everyone! Baba s just fine. All the rumours about his health are fake. He s keeping well Praying for Irfan Bhai and Chintu ji. Missing them a lot. Deepest condolences to their families. Our hearts go out to all of them. It s a devastating loss for all of us
— Vivaan Shah (@TheVivaanShah) April 30, 2020
نصیر الدین شاہ کی بھتیجی سائرہ شاہ حلیم نے بھی بھارتی میڈیا کو بتایا کہ نصیرالدین شاہ بالکل صحت مند ہیں اور ممبئی میں اپنی اہلیہ رتنا پاٹھک کے ساتھ اپنے گھر میں ہیں۔ والد نے نصیرالدین شاہ اور ان کی فیملی سے بات کی اور بتایا کہ وہ بالکل ٹھیک ہیں۔
نصیرالدین شاہ نے خود بھی میڈیا سے بات کرتے ہوئے بتایا کہ ان کی صحت کے حوالے سے سامنے آئی تمام خبریں بے بنیاد ہیں اور وہ بالکل خیریت سے اپنے گھر میں قرنطینہ کیے ہوئے ہیں۔
یاد رہے کہ نصیرالدین شاہ پاکستانی فلم ’خدا کے لیے‘ اور زندہ بھاگ‘ میں کام کرچکے ہیں۔ نصیرالدین شاہ نے عرفان خان کو خراج عقیدت پیش کرنے کے لیے ان کے نام ایک طویل بیان بھی جاری کیا۔
دی ہندو کی رپورٹ کے مطابق نصیرالدین شاہ نے لکھا کہ عرفان خان چلا گیا؟ وہ مجھے علوداع کہے بغیر چلا گیا؟ ان سے ایسا کیسے کیا، وہ شاید میرا انتظار کرلیتا۔
اداکار کے مطابق عرفان خان ایک بہترین اداکار تھے جنہوں نے اپنے کیریئر میں کئی کامیاب فلموں میں کام کیا، اور وہ ہمیشہ ان سے بےحد متاثر ہوئے۔
نصیرالدین شاہ اور عرفان خان ’مقبول‘ اور ’سات خون معاف‘ جیسی فلموں میں ایک ساتھ کام کرچکے ہیں۔
