قومی اسمبلی سے اپوزیشن کے واک آؤٹ کو پرویز رشید نے کیٹ واک قرار دے دیا
اسلام آباد (دنیا نیوز) قومی اسمبلی کے اجلاس میں طنز کے نشتر چلتے رہے ، پرویز رشید نے اپوزیشن کے واک آؤٹ کو کیٹ واک کا طعنہ دیا ، خورشید شاہ نے جواب دیا یہ پاناما واک ہے ، اسپیکر نے کیٹ واک کا لفظ کارروائی سے حذف قرار دے دیا ۔
قومی اسمبلی سے اپوزیشن کے واک آؤٹ کو پرویز رشید نے کیٹ واک قرار دے دیا ۔ اپوزیشن نے احتجاج کیا لیکن پرویز رشید طنز کے نشتر چلاتے رہے ۔ اسپیکر کو شور شرابا رکوانے کیلئے بار بار مداخلت کرنا پڑی ۔
پرویز رشید کے جواب میں خورشید شاہ بولے ، حکومت کیٹ ہے،اور اپوزیشن واک دراصل یہ پاناما واک ہے ۔
آخرکار اسپیکر نے ماحول ٹھنڈا کرنے کیلئے ایوان کی کارروائی سے کیٹ واک کا لفظ ہی حذف کرا دیا ۔
