لاہور: (دنیا نیوز) نواز شریف کے ذاتی معالج ڈاکٹر عدنان نے سابق وزیراعظم کی صحت کے بارے میں سخت تشویش کا اظہار کرتے ہوئے ایک بار پھر انہیں مناسب علاج کی سہولت دینے پر زور دیا ہے۔
ڈاکٹر عدنان نے ٹویٹ کے ذریعے اس خدشے کا اظہار کیا کہ میاں نوازشریف کو دل کی تکلیف ہو سکتی ہے لیکن ان کو علاج کی مناسب سہولت نہیں دی جا رہی۔ ان کا کہنا تھا کہ سروسز ہسپتال کے میڈیکل بورڈ نے میاں نوازشریف کا طبی معائنہ 16 جنوری کو کیا اور اگلے روز اس پر دستخط کرتے ہوئے اس بات پر زور دیا کہ میاں نواز شریف کو فوری طور پر ہسپتال داخل کر لیا جائے۔
The proceeds of Medical Board constituted at Allama Iqbal Medical College/Jinnah Hospital in respect of former PM #NawazSharif signed on 17JAN19 were provided on 22JAN19.
— Dr. Adnan Khan (@Dr_Khan) January 23, 2019
Board recommends that Mr. Sharif would benefit from hospitalization, which was denied risking health & life! pic.twitter.com/Ei2x9ZjfT6
ڈاکٹر عدنان نے تشویش کا اظہار کرتے ہوئے کہا کہ بورڈ کے سفارشات کے باوجود میاں نوازشریف کو ہسپتال داخل نہیں کیا گیا جس کے بعد انہیں پی آئی سی ٹیسٹ کرانے پڑے۔ ڈاکٹر عدنان کا کہنا ہے کہ میاں نوازشریف کو اگر علاج کی سہولت نہ دی گئے تو دل کا مرض بڑھنے کا امکان ہے۔
