لاہور: (دنیا نیوز) سیکرٹری ہاکی فیڈریشن آصف باجوہ نے بتایا ہے کہ آئندہ ماہ فائیو اے سائیڈ ایونٹ کے انعقاد کا پلان بنا لیا گیا ہے۔
ان کا کہنا تھا کہ ہاکی فیڈریشن اگست کے آخر میں سرگرمیاں شروع کر دے گی۔ کورونا ایس او پیز کے تحت ہاکی کا آغاز کریں گے۔ سمتبر میں قومی ہاکی چمپئین شپ کا انعقاد بھی ہوگا۔
آصف باجوہ کا کہنا تھا کہ پاکستان ہاکی فیڈریشن (پی ایچ ایف) نے اپنے دفاتر کھول دئیے ہیں۔ ہاکی فائیو ورلڈ کپ 2023ء میں شیڈول ہے۔ ٹی ٹونٹی کرکٹ کی طرح ہاکی فائیو شروع کر رہے ہیں۔
