کولون: (دنیا نیوز) پاکستانی ٹینس سٹار اعصام الحق اور ان کے برطانوی جوڑی دار ڈومینک انگلوٹ کولون انڈور ٹینس ٹورنامنٹ مینز ڈبلز مقابلوں کے سیمی فائنل مرحلے میں پہنچ گئے ہیں۔
تفصیل کے مطابق پاکستان کے نامور ٹینس سٹار اعصام الحق قریشی اور ان کے برطانوی جوڑی دار ڈومینک انگلوٹ کا جرمنی میں جاری اے ٹی پی کولون انڈور ٹینس ٹورنامنٹ میں فتوحات کا سلسلہ برقرار ہے۔ وہ مینز ڈبلز مقابلوں کے سیمی فائنل مرحلے میں پہنچ گئے ہیں۔
Alhamdulliah Happy to get through to the semis here in #cologne at @bett1hulks @atptour with partner @dominglot after a well fought match 76 26 10.5 pic.twitter.com/qzozGpavkH
— Aisam ul Haq Qureshi (@aisamhqureshi) October 15, 2020
فرانس کے بینوئٹ پائیر اور ان کے امریکی جوڑی دار نکولس منرو کوارٹر فائنل رائونڈ میں ہار کر ایونٹ سے باہر ہوگئے۔ جرمنی میں جاری اے ٹی پی کولون انڈور اوپن ٹینس ٹورنامنٹ میں کھیلے گئے مینز ڈبلز کوارٹر فائنل میچ میں پاکستان کے نامور ٹینس سٹار اعصام الحق قریشی اور ان کے برطانوی جوڑی دار ڈومینک انگلوٹ نے عمدہ کھیل پیش کرتے ہوئے حریف فرانس کے بینوئٹ پائیر اور ان کے امریکی جوڑی دار نکولس منروکو 6-7(7-9)،6-2اور5-10سے شکست دیکر ٹورنامنٹ کےسیمی فائنل میں پہنچنےکا اعزاز حاصل کر لیا۔
