پولینڈ کے 23 سالہ مصور مارئیس کزیرسکی ہاتھوں سے معذور ہیں لیکن وہ حیرت انگیز طور پر حقیقی تصاویر اور پینٹنگز بناتے ہیں
وارسا(نیٹ نیوز)۔باہمت مصورنے اپنی معذوری کو مجبوری نہیں بننے دیا اور7 برس کی عمرسے انہوں نے ڈرائنگ بنانا شروع کردی تھی ،اب تک وہ 700 سے زائد تصاویربناچکے ہیں۔
مارئیس کزیرسکی کی بنائی جانیوالی یہ تصاویر حیرت انگیز طور پر حقیقی لگتی ہیں جنہیں 2013 میں ویانا میں عالمی مصوری کے مقابلے میں دوسرا انعام دیا گیا جبکہ وہ دنیا کے کئی ممالک میں اپنے فن پاروں کی نمائش بھی کرچکے ہیں۔
مارئیس کو خدا داد صلاحیت حاصل ہے کہ وہ حقیقت سے قریب تر پورٹریٹس بناتے ہیں جن میں کردار گویا بولتے دکھائی دیتے ہیں۔
