اوٹاوا: (دنیا نیوز) پاکستانی نوبل انعام یافتہ ملالہ یوسف زئی نے کینیڈا میں وزیراعظم جسٹن ٹروڈو سے ملاقات کی جس میں خواتین کی مساوی نمائندگی اور بچیوں کی تعلیم پربات چیت ہوئی۔
وزیراعظم جسٹن ٹروڈو نے سوشل میڈیا پیغام میں کہا کہ انہیں اوٹاوا میں ملالہ یوسف زئی سے ملاقات کرکے بےحدخوشی ہوئی، ہم نے جی سیون میں خواتین کی مساوی نمائندگی پربات چیت کی۔ دنیا بھرلڑکیوں کی تعلیم کی شرح کو بڑھانا ہمارا عزم ہے، ہم چاہتے ہیں کہ لڑکیاں زیادہ تعداد میں سکول جائیں۔ ملالہ یوسفزئی نے سوشل میڈیا پیغام میں کینیڈین وزیراعظم سے ملاقات اور ان کی بچیوں کی تعلیم میں دلچسپی پرشکریہ ادا کیا۔
Great to catch up with @Malala today in Ottawa. We talked about the important work of the G7 Gender Equality Advisory Council and our commitment to making sure more women & girls around the world get to go to school. pic.twitter.com/GU2GzdFNSc
— Justin Trudeau (@JustinTrudeau) September 7, 2018
