اسلام آباد: (دنیا نیوز) پاکستان میں چینی سفیر نونگ رونگ کا کہنا ہے کہ خوشی ہے پاک چین اقتصادی راہداری (سی پیک) صحیح سمت کی جانب گامزن ہے۔
سیکرٹری منصوبہ بندی مطہر نیاز رانا نے پاکستان میں تعینات چین کے سفیر نونگ رونگ سے اسلام آباد میں ملاقات کی، ملاقات میں چین پاکستان اقتصادی راہداری (سی پیک) کے تحت دوطرفہ تعلقات کے منصوبوں اور دسویں جے سی سی سے متعلق امور پر تبادلہ خیال کیا گیا۔
Pleasure to meet with Mr. Mathar Niaz Rana, Secretary of Ministry of Planning. Had a fruitful discussion on social economic and energy cooperation, and agreed to hold the 10th JCC meeting at earliest time. pic.twitter.com/U3SvbWEGce
— Nong Rong (@AmbNong) January 19, 2021
دونوں فریقین نے حالیہ ہفتوں میں منعقدہ جے ڈبلیو جی کے اجلاسوں پر اطمینان کا اظہار کیا جبکہ فروری میں آئندہ 10 ویں جے سی کے لئے کوئی تاریخ طے کرنے پربھی اتفاق ہوا۔
اس موقع پر چینی سفیر نونگ رونگ کا کہنا تھا کہ سی پیک صحیح سمت کی جانب گامزن ہے، منصوبہ دونوں دوست ممالک کے مابین دیرینہ دوستی کو ظاہر کرتا ہے،، جس کی تکمیل سے پاکستان میں خوشحالی اور ترقی آئے گی ۔ سی پیک پاکستان کے لئے خوشحالی اور ترقی کا ضامن ہو گا۔
