لاہور: (دنیا نیوز) ٹریڈنگ کارپوریشن آف پاکستان کی جانب سے ایک لاکھ میٹرک ٹن چینی کی درآمد کے لیے ٹینڈر کھول دیئے گئے۔
وزیراعظم محمد شہباز شریف کی خصوصی ہدایت پر چینی کی درآمد کی شفافیت کو برقرار رکھنے کے لئے اس پورے مرحلے کو پی ٹی وی پر براہ راست دکھایا گیا۔
ٹینڈر کھولتے وقت ٹینڈرنگ کمپنیوں کے نمائندے جبکہ شفافیت کو یقینی بنانے کےلیے ٹرانسپرینسی انٹرنیشنل کا نمائندہ بھی مووجود تھا، جنرل مینجر ٹی سی پی شیراز علی شہزاد نے تمام فریقین کے سامنے چینی برآمد کے ٹینڈرز کھولے اور تفصیلات سے آگاہ کیا۔
واضح رہے کہ ملک میں چینی کی طلب پورا کرنے اور قیمتوں میں استحکام کےلیے حکومت پاکستان نے ایک لاکھ میٹرک ٹن چینی درآمد کرنے کا ٹینڈر کیا تھا۔
