کراچی: (دنیا نیوز) پاکستان سٹاک مارکیٹ مثبت آغاز کے ساتھ آج پھر منفی زون میں چلی گئی۔
کاروباری ہفتے کے تیسرے روز بھی کاروبار کے آغاز پر سٹاک ایکسچینج میں تیزی دیکھنے میں آئی، 700 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 62 ہزار 052 پوائنٹس کی سطح پر پہنچ گیا۔
تاہم ٹریڈنگ کے دوران سٹاک ایکسچینج منفی زون میں چلی گئی، 1000 سے زائد پوائنٹس کی کمی کے ساتھ پاکستان سٹاک مارکیٹ میں انڈیکس ایک لاکھ 61 ہزار پوائنٹس کی حد بھی کھو بیٹھا۔
واضح رہے کہ گزشتہ کاروباری دن کے اختتام پر ہنڈرڈ انڈیکس 1521 پوائنٹس کی کمی کیساتھ ایک لاکھ 61 ہزار 281 پوائنٹس کی سطح پر بند ہوا تھا۔
