کراچی: (دنیا نیوز) ملک کے مجموعی زرمبادلہ ذخائر میں گزشتہ ہفتے 2 کروڑ 40 لاکھ ڈالر کی کمی ریکارڈ کی گئی ہے تاہم سٹیٹ بینک آف پاکستان کے ذخائر میں اضافہ ہوا ہے ۔
سٹیٹ بینک آف پاکستان کی جانب سے جاری کردہ اعداد و شمار کے مطابق ملکی زرمبادلہ کے مجموعی ذخائر میں ایک ہفتے کے دوران 2 کروڑ 40 لاکھ ڈالر کی کمی ہوئی جس کے بعد ذخائر کا مجموعی حجم 19 ارب 66 کروڑ 36 لاکھ ڈالر رہ گیا۔
مرکزی بینک کے مطابق ملک کے مجموعی زرمبادلہ ذخائر میں3 کروڑ 12 لاکھ ڈالر کا اضافہ ریکارڈ کیا گیا جس سے سرکاری ذخائر بڑھ کر 14 ارب 50 کروڑ 28 لاکھ ڈالر تک جاپہنچے۔
دوسری جانب کمرشل بینکوں کے ذخائر میں 5 کروڑ 52 لاکھ ڈالر کی نمایاں کمی ہوئی جس کے بعد نجی بینکوں کے پاس موجود زرمبادلہ ذخائر گھٹ کر 5 ارب 16 کروڑ 8 لاکھ ڈالر رہ گئے۔
