کراچی: (دنیا نیوز) پاکستان سٹاک ایکسچینج میں پہلا ٹریڈنگ سیشن مثبت زون میں بند ہوا ہے۔
کاروباری ہفتے کے پانچویں اور آخری روز بھی کاروبار کے آغاز پر سٹاک ایکسچینج میں تیزی دیکھنے میں آئی، 1000 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 60 ہزار 305 پوائنٹس کی سطح پر پہنچ گیا۔
تاہم ٹریڈنگ کے دوران پاکستان سٹاک ایکسچینج میں پہلا سیشن کا اختتام مثبت زون میں ہوا، 100 انڈیکس 1015 پوائنٹس بڑھ کر ایک لاکھ 60 ہزار 112 پوائنٹس کی نفسیاتی حد پر بند ہوا۔
سٹاک ایکسچینج کے پہلے سیشن میں 43 کروڑ شیئرز کے سودے 16 ارب روپے میں طے ہوئے۔
واضح رہے کہ گزشتہ کاروبار روز کے اختتام پر ہنڈرڈ انڈیکس 481 پوائنٹس کی کمی کیساتھ ایک لاکھ 59 ہزار 96 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی کی قدر میں 5 پیسے کی کمی ہوئی، ڈالر 280.85 روپے سے کم ہو کر 280.80 روپے پر آگیا۔
