کراچی: (دنیا نیوز) عالمی اور مقامی سطح پر سونے کی قیمتوں میں نمایاں اضافہ ریکارڈ کیا گیا ہے۔
مقامی صرافہ مارکیٹ کے مطابق 24 قیراط فی تولہ سونا 7 ہزار 400 روپے بڑھ کر 4 لاکھ 29 ہزار 862 روپے کا ہوگیا ہے، اسی طرح 10 گرام سونے کی قیمت میں 6 ہزار 337 روپے اضافہ ہوا جس کے بعد نیا بھاؤ 3 لاکھ 68 ہزار 530 روپے مقرر کیا گیا۔
دوسری جانب چاندی کی قیمت بھی بڑھ گئی، 24 قیراط فی تولہ چاندی 115 روپے اضافے کے بعد 5 ہزار 209 روپے کی سطح پر پہنچ گئی، عالمی گولڈ مارکیٹ میں بھی بڑی تیزی دیکھی گئی، جہاں فی اونس سونا 74 ڈالر بڑھ کر 4 ہزار 75 ڈالر کا ہو گیا ہے۔
صرافہ ڈیلرز کے مطابق ڈالر کی قدر، غیر یقینی معاشی حالات اور عالمی طلب میں اضافے نے سونے کی قیمتوں میں مسلسل اضافہ جاری رکھا ہوا ہے۔
