لندن: (ویب ڈیسک) امریکی ایکسپورٹ امپورٹ بینک کے چیئرمین جان یووانووچ نے کہا ہے کہ امریکی بینک پاکستان میں سوا ارب ڈالرز کی سرمایہ کاری کرے گا۔
برطانوی اخبار کی رپورٹ کے مطابق امریکی بینک پاکستان، مصر اور یورپ میں مختلف منصوبوں میں 100 ارب ڈالرز کی سرمایہ کاری کرے گا، امریکی بینک اہم معدنیات، جوہری توانائی اور ایل این جی کی سپلائی چین محفوظ بنانے کیلئے سرمایہ کاری کرے گا۔
امریکی ایکسپورٹ امپورٹ بینک کے چیئرمین جان یووانووچ نے برطانوی اخبار کو دیے گئے انٹرویو میں کہا کہ سرمایہ کاری کی پہلی قسط میں مصر، پاکستان اور یورپ کے منصوبے شامل ہوں گے، پاکستان میں ریکوڈِک کیلئے 1 ارب 25 کروڑ ڈالرز کا قرض دیا جائے گا، مصر کو 4 ارب ڈالرز مالیت کی قدرتی گیس کیلئے کریڈٹ انشورنس گارنٹی دی جائے گی۔
چیئرمین امریکی بینک نے یہ بھی کہا کہ مغرب توانائی اور اہم معدنیات کی فراہمی پر ضرورت سے زیادہ انحصار کر رہا ہے، اہم خام مال کی فراہمی کے ذرائع کا محفوظ، مستحکم اور فعال ہونا ضروری ہے۔
