کراچی: (دنیا نیوز) عالمی اور مقامی مارکیٹوں میں سونے کی قیمت میں اچانک بڑا اضافہ دیکھنے میں آیا ہے۔
انٹرنیشنل مارکیٹ میں آج فی اونس سونے کی قیمت 77 ڈالر کے اضافے سے 4 ہزار 142 ڈالر کی سطح پر آگئی۔
آل پاکستان جیمز اینڈ جیولرز صرافہ ایسوسی ایشن کے مطابق عالمی مارکیٹ کے زیر اثر مقامی صرافہ بازاروں میں بھی 24 قیراط کے حامل فی تولہ سونے کی قیمت 7 ہزار 700 روپے کے اضافے سے 4 لاکھ 36 ہزار 562 روپے کی سطح پر پہنچ گئی۔
ملک میں فی 10 گرام سونے کی قیمت 6 ہزار 601 روپے بڑھ کر 3 لاکھ 74 ہزار 281 روپے کی سطح پر آگئی ہے۔
واضح رہے کہ گزشتہ روز سونے کی قیمتوں میں کوئی رد و بدل نہ ہونے کی وجہ سے استحکام رہا تھا جبکہ گزشتہ کاروباری ہفتے کے آخری دنوں میں سونے کی قیمتوں میں مسلسل اضافہ دیکھا گیا تھا۔
دوسری جانب 24 قیراط فی تولہ چاندی 152 روپے اضافے سے 5 ہزار 422 روپے کی سطح پر پہنچ گئی۔
