اسلام آباد: (دنیانیوز) سابق نگران وفاقی وزیر گوہر اعجاز نے کہا کہ معرکہ حق کی طرح معیشت کا معرکہ بھی جیتیں گے۔
سابق نگران وفاقی وزیر گوہر اعجاز نے پریس کانفرنس کرتے ہوئے کہا کہ وزیراعظم اور ان کی ٹیم معیشت کی بہتری کیلئے کوشاں ہے، بزنس کمیونٹی کو معاشی طوفان سے نکالا گیا ہے، اس سال ملکی ایکسپورٹس کو تاریخی سطح تک لے جائیں گے۔
گوہر اعجاز نے کہا کہ بزنس کمیونٹی کو ملکر کام کرنا ہوگا، ایک ٹریلین روپے ایسے بجلی کارخانوں کو دیئے جاتے ہیں جو بند پڑے ہیں، بجلی کے بند کارخانوں کو آج بھی کیپسٹی پیمنٹ دی جارہی ہے۔
سابق نگران وفاقی وزیر کا مزید کہنا تھا کہ صنعتیں چل سکتی ہیں، بند کارخانوں کا بوجھ صنعتوں سے ہٹانا ہوگا۔
