لاہور: (ویب ڈیسک) پاکستان سپر لیگ (پی ایس ایل) میں پشاور زلمی کے کوچ اور دو مرتبہ ویسٹ انڈیز کو ٹی ٹونٹی میں ورلڈکپ جتوانے والے ڈیرن سیمی پاکستان میں سیاحت سے محظوظ ہونے لگے۔
تفصیلات کے مطابق ملک بھر میں کورونا وائرس کے کیسز بڑھنے کے بعد پاکستان سپر لیگ (پی ایس ایل) میں بھی کیسز سامنے آئے، کیسز سامنے آنے کے بعد ایونٹ کو منسوخ کرنا پڑا جس کے باعث غیر ملکی کھلاڑی اپنے آبائی وطن کو واپس آ گئے متعدد کھلاڑیوں نے بقیہ میچز کے لیے پاکستان آنے کا اعلان کر رکھا ہے۔
تاہم اس دوران پاکستان سپر لیگ (پی ایس ایل) ملتوی ہونے کے بعد پشاور زلمی کے کوچ ڈیرن سیمی اور مینٹور ہاشم آملہ پاکستان میں موجود ہیں اور ملک کے دیگر علاقوں میں سیاحت سے محظوظ ہو رہے ہیں۔
گزشتہ روز ڈیرن سیمی کی مالم جبہ کے دورے کے موقع پر ایک ویڈیو وائرل ہوئی تھی اس ویڈیو میں دیکھا جا سکتا ہے کہ وہ شلوار قمیض میں ڈانس کر رہے ہیں۔
Darren Sammy is the champion, on & off the field. #DarrenSammy #PeshawarZalmi pic.twitter.com/iDzPoTyXaJ
— Akber Ali (Z) (@AkberAJaffri) March 18, 2021
اب ایک مرتبہ پھر سماجی رابطے کی ویب سائٹ ٹویٹرپر جاری کردہ اپنے ایک بیان میں ڈیرن سیمی نے لکھا کہ پاکستان سپر لیگ (پی ایس ایل) 2020ء کے میچز ملتوی ہونے پر افسردہ ہوں۔
I was disappointed @thePSLt20 got postponed but I’m super greatfuI I got to discover the beauty of Pakistan outside of cricket. #88special #clarasboy #SammyInPakistan pic.twitter.com/ylCpxws6aJ
— Daren Sammy (@darensammy88) March 19, 2021
ٹویٹر پر اپنے بیان میں انہوں نے مزید کہا کہ ایونٹ ملتوی ہونے کے بعد میں مشکور ہوں کہ کرکٹ کے علاوہ پاکستان کی خوبصورتی سے محظوظ ہو رہا ہوں۔
اس سے قبل پشاور زلمی کے کوچ ڈیرن سیمی ٹیپ بال کرکٹ میں ان ایکشن ہوئے، لاہور میں نوجوانوں کے ساتھ کھیلتے ہوئے خوب چوکے چھکے لگائے۔
پی ایس ایل کے ملتوی ہونے پر کوچ پشاور زلمی ڈیرن سیمی نے ٹیپ بال کرکٹ میں رنگ جما دیا، لاہور کے دورے کے موقع پر گاڑی سے نکلے اور گراونڈ میں نوجوانوں کے ساتھ کرکٹ کھیلنی شروع کر دی۔ عالمی شہرت یافتہ کرکٹر کو یوں اپنے درمیان دیکھ کر نوجوان حیران رہ گئے۔
Played some street tape ball cricket earlier in Lahore. Where’s next ? #sammyinpakistan #88Special #bandanapk #ZalmiKingdom pic.twitter.com/f4cW8W7Yfs
— Daren Sammy (@darensammy88) March 8, 2021
پشاور زلمی کے آفیشل ٹویٹر اکاونٹ سے ڈیرن سیمی کی ویڈیو شیئر کی گئی جس میں ویسٹ انڈیز کے سابق کپتان شاندار شاٹس کھیلتے نظر آ رہے ہیں۔ انہوں نے خوب چوکے چھکے لگائے جس پر نوجوان ان کو داد دیتے رہے۔
Peshawar Zalmi Head Coach @darensammy88 stops on his way to play Cricket with young Cricketers in Lahore!
— PeshawarZalmi (@PeshawarZalmi) March 8, 2021
Follow Zalmi TV on YouTube for more!https://t.co/u8qM359vcB#Zalmi #YellowStorm #ZKingdom pic.twitter.com/UIEbdLKs0d
ڈیرن سیمی نے بھی اپنے ٹویٹر اکاونٹ پر تصاویر شیئر کیں جن میں وہ زندہ دلان لاہور کو محظوظ کرتے نظر آ رہےہیں۔
