لاہور:(ویب ڈیسک)پاکستان کرکٹ ٹیم سے ریٹائرمنٹ لینے والے فاسٹ باؤلر محمد عامر کی کرکٹ میں واپسی ہوگئی اور انہوں نے ٹی 10کرکٹ لیگ کو جوائن کرلیا ہے۔
سماجی رابطے کی ویب سائٹ ٹوئٹر پر قومی کرکٹ ٹیم کے سابق بائیں ہاتھ کے فاسٹ باؤلر محمد عامر نے ایک ویڈیو شیئر کی گئی جس میں انہوں نے بتایا کہ انہوں نے ٹی 10کرکٹ لیگ کے لئے ٹریننگ کیمپ کو جوائن کرلیا ہے۔
A glimpse of Mohammad Amir’s first training session with Bangla Tigers. @iamamirofficial #BanglaTigers #AbuDhabiT10 #LetsGoHunt pic.twitter.com/f4sCCpqPJA
— Bangla Tigers (@BanglaTigers_ae) November 23, 2021
خیال رہےکہ گزشتہ ہفتے سوشل میڈیا پر کورونا وائرس کا شکار ہونے کے بعد محمد عامر نے ٹی ٹین لیگ سے دستبرداری کا اعلان کیا تھا تاہم اب مکمل صحت یاب ہونے کے بعد وہ دوبارہ سے بنگلا ٹائیگرز ٹیم کے ساتھ جڑ گئے ہیں۔
فاسٹ باؤلر اپنی ٹیم کی جانب سے آخری پانچ میچوں میں ایکشن میں نظر آئیں گے جبکہ بنگلا ٹائیگرز نے اب تک چار میچز کھیلے ہیں جن میں سے تین میں کامیابی کے ساتھ ان کی پوائنٹس ٹبیل پر اس وقت چوتھی پوزیشن ہے۔
یاد رہے کہ محمد عامر نے پاکستان کرکٹ ٹیم سے گزشتہ سال دسمبر میں ریٹائر ہونے کا اعلان کیا تھا جبکہ بعدازاں ان کی دوبارہ ٹیم میں واپسی کی باتیں ہوتی رہیں تاہم انہوں نے واضح طور پر کہا کہ ان کا ریٹائرمنٹ واپس لینے کا کوئی ارادہ نہیں ہے اور ان کی جگہ کسی نوجوان اور حقدار کو جگہ دی جائے۔
