دبئی : ( ویب ڈیسک ) انٹرنیشنل ٹی 20 لیگ ( آئی ایل ٹی 20) میں دبئی کیپٹلز نے ایم ای ایمریٹس کو 16 رنز سے شکست دے دی۔
شیخ زید کرکٹ سٹیڈیم میں کھیلے گئے لیگ کے 13 ویں میچ میں ایم ای ایمریٹس نے ٹاس جیت کر پہلے فیلڈنگ کا فیصلہ کیا جبکہ دبئی کیپٹلز کی ٹیم نے مقررہ 20 اوورز میں 3 وکٹوں کے نقصان پر 222 رنز بنائے۔
کیپٹلز کی جانب سے کپتان رومان پاول نے 41 گیندوں پر 97 رنز کی جارحانہ اننگ کھیلی جبکہ اوپنر روبن اوتھاپا 26 اور جوئے روٹ نے 54 گیندوں پر 82 رنز بنائے، ایمریٹس کی طرف سے فضل الحق فاروقی ، ظہور خان اور کیرن پورلاڈ نے ایک ایک وکٹ حاصل کی۔
ہدف کے تعاقب میں ایم ای ایمریٹس کی ٹیم مقررہ اوورز میں 5 وکٹوں کے نقصان پر 206 رنز بنا سکی، کپتان کیرن پولارڈ کی 38 گیندوں پر 86 رنز کی طوفانی اننگ رائیگاں گئی، فاتح ٹیم کی جانب سے حضرت لقمان نے دو جبکہ پاول اور فرید نے ایک ایک کھلاڑی کو پویلین کی راہ دکھائی۔
فاتح ٹیم کے آل راؤنڈر رومان پاول کو 97 رنز کی اننگ اور ایک وکٹ حاصل کرنے پر میچ کا بہترین کھلاڑی قرار دیا گیا۔
The #DCvMIE Player of the Match is awarded to Rovman Powell#DPWorldILT20 #ALeagueApart #Awards pic.twitter.com/CyVNQGCeHH
— International League T20 (@ILT20Official) January 22, 2023
