لاہور: (دنیا نیوز) قومی کرکٹ ٹیم کے اوپننگ بیٹر صاحبزادہ فرحان نے ٹی 20 کرکٹ میں ایک اور اعزاز حاصل کر لیا۔
صاحبزادہ فرحان نے سال 2025 میں 1500 ٹی 20 رنز مکمل کر لیے، انہوں نے 2025 کی 35 اننگز میں 1500 رنز مکمل کیے، صاحبزادہ فرحان ایک سال میں 1500 ٹی 20 رنز بنانے والے چوتھے پاکستانی بیٹر بنے ہیں۔
بابر اعظم، محمد رضوان اور شان مسعود بھی ایک سال میں 1500 رنز بنا چکے ہیں، بابر نے تین مرتبہ 2019، 2021 اور 2024 میں 1500 ٹی 20 رنز بنائے ہیں۔
محمد رضوان نے 2021 اور 2022 میں یہ سنگ میل عبور کیا جبکہ شان مسعود نے سال 2022 میں 1500 ٹی ٹوئنٹی رنز بنائے تھے، صاحبزادہ فرحان نے اس سال قومی ٹیم سے کھیلنے کے علاوہ پشاور ریجن اور اسلام آباد یونائیٹڈ کی نمائندگی کی ہے۔
