لاہور: (دنیا نیوز) پاکستان کرکٹ بورڈ (پی سی بی) کے چیئرمین محسن نقوی نے لاہور ٹیسٹ میں فتح پر قومی ٹیم کو مبارکباد پیش کی ہے۔
سماجی رابطے کی ویب سائٹ ایکس پر جاری پیغام میں چیئرمین پی سی بی محسن نقوی نے کہا ہے کہ پاکستان نے ورلڈ ٹیسٹ چیمپئن ٹیم کے خلاف کامیابی حاصل کی ہے۔
محسن نقوی نے کہا ہے کہ ورلڈ ٹیسٹ چیمپئن جنوبی افریقا کے خلاف کامیابی ٹیم ورک کا نتیجہ ہے، پاکستان ٹیم نے جنوبی افریقا کے خلاف ہر شعبے میں عمدہ کھیل پیش کیا۔
انہوں نے مزید کہا ہے کہ کامیابی پر کپتان، کھلاڑیوں اور ٹیم مینجمنٹ کو مبارکباد پیش کرتا ہوں، امید ہے کہ پاکستان ٹیم دوسرے ٹیسٹ میں بھی کارکردگی کا تسلسل برقرار رکھے گی۔
— Mohsin Naqvi (@MohsinnaqviC42) October 15, 2025
واضح رہے کہ پاکستان نے پہلے ٹیسٹ میچ میں ورلڈ ٹیسٹ چیمپئن جنوبی افریقا کو 93 رنز سے شکست دے کر ورلڈ ٹیسٹ چیمپئن شپ 27-2025 کا فاتحانہ آغاز کیا ہے۔
