کراچی: (دنیا نیوز) اگلے دو سال کیلئے پاکستان سپر لیگ کے ٹائٹل سپانسر کا فیصلہ ہو گیا، ایچ بی ایل ہی پی ایس کا سپانسر ہو گا۔
کراچی میں پریس کانفرنس کے دوران پاکستان سپر لیگ کے سی ای او سلمان نصیر نے کہا ہے کہ آج پاکستان سپر لیگ کے لیے ایک کافی اہم اعلان کرنا ہے، اس اعلان کی اہمیت سمجھنے کے لیے ہمیں تھوڑا تاریخ میں جانا ضروری ہے۔
انہوں نے کہا ہے کہ جب لیگ شروع کرنے لگے تھے تو لوگوں کو بھروسہ نہیں تھا اور وہ اس میں کم دلچسپی لے رہے تھے، گنتی کے لوگوں نے اس پراڈکٹ میں اپنی دلچسپی کا اظہار کیا، پانچ پارٹیوں نے ہم پر اعتماد کیا اور ٹیمیں خریدیں۔
سلمان نصیر کا کہنا ہے کہ لوگوں نے بدنام کرنے کی کوششیں کی لیکن یہ لیگ آگے بڑھتی رہی، کویڈ میں بھی کامیابی سے لیگ مکمل کی گئی، دس سال میں پی ایس ایل کے تمام معاہدے ختم ہوئے۔
پی ایس ایل کے سی ای او نے مزید کہا ہے کہ ہم نے طے کیا تھا کہ دسویں ایڈیشن کے بعد اس کی دوبارہ ویلیو ایشن کریں گے، ایچ بی ایل نے اس ویلیو پر معاہدہ کیا ہے جو آزاد ویلیو ایشین کے تحت لگائی گئی، پچھلے معاہدے سے اس معاہدے میں 505 فیصد اضافہ ہوا ہے۔
سلمان نصیر کا کہنا تھا کہ پی ایس ایل کی 2 نئی فرنچائز کےلیےآکشن ہوگا، بڈ کرنے والی پارٹیوں کو شہروں کےنام کا پول دیا جائےگا جس سے وہ ایک ٹیم منتخب کریں گے۔
