لاہور: (ویب ڈیسک) لاہور کے کرکٹ شائقین نے پاکستان اور جنوبی افریقہ کے درمیان سیریز کے تیسرے اور آخری ٹی 20 میں نئی تاریخ رقم کر دی۔
پاکستان اور جنوبی افریقہ کے درمیان سیریز کا فیصلہ کن میچ گزشتہ روز لاہور کے قذافی سٹیڈیم میں کھیلا گیا، اس فیصلہ کن مقابلے میں سٹیڈیم تماشائیوں سے کھچا کھچ بھرا ہوا تھا۔
قذافی سٹیڈیم میں شائقین کرکٹ اتنی بڑی تعداد میں میچ دیکھنے آئے کہ نیا ریکارڈ بن گیا۔
لاہور میں پاکستان اور جنوبی افریقہ کا میچ دیکھنے کے لئے 32 ہزار 437 افراد سٹیڈیم میں موجود تھے، اتنی بڑی تعداد میں شائقین کے آنے پر قذافی سٹیڈیم کی سکرین پر ہاؤس فل بتایا گیا۔
یہ پاکستان میں کرکٹ کی تاریخ کا سب سے زیادہ کراؤڈ تھا، اتنی بڑی تعداد میں آج سے پہلے ہوم گراؤنڈ پر شائقین میچ دیکھنے نہیں آئے۔
