میلبرن: (دنیا نیوز) آسٹریلیا نے ایشیز سیریز کے پہلے ٹیسٹ میچ کے لیے 15 رکنی سکواڈ کا اعلان کردیا، آسٹریلیا اور انگلینڈ کے درمیان ایشیز سیریز کا پہلا ٹیسٹ 21 نومبر سے پرتھ میں شروع ہوگا۔
پیٹ کمنز کی غیر موجودگی میں سٹیو سمتھ ٹیم کی قیادت کریں گے، کپتان پیٹ کمنز کمر کی تکلیف سے تاحال چھٹکارا نہیں پا سکے۔
پہلے ٹیسٹ میچ کے سکواڈ میں شین ایبٹ، سکاٹ بولینڈ، ایلیکس کیری اور برینڈن ڈاجٹ شامل ہیں، کیمرون گرین، جوش ہیزل ووڈ، ٹریوس ہیڈ اور جوش انگلس بھی سکواڈ کا حصہ ہیں۔
عثمان خواجہ، مارنوس لبوشین ، نیتھن لیون، مچل سٹارک، جیک ویدرالڈ اور بیو ویبسٹر بھی پہلے ٹیسٹ میچ کے لیے سکواڈ میں شامل ہیں۔
