لاہور: (دنیا نیوز) پاکستانی نژاد سکاٹش ویمن کرکٹر نیما شیخ اسکاٹ لینڈ نیشنل اسپورٹس اسکالر شپ حاصل کرنے والی پہلی کرکٹر بن گئیں۔
کرکٹ سکاٹ لینڈ کے مطابق نیما شیخ کو وننگ سٹوڈنٹس 100 سکاٹ لینڈ نیشنل سپورٹ سکالر شپ کیلئے منتخب کیا گیا ہے، نیما شیخ سکالرشپ حاصل کرنے والی سکاٹ لینڈ کرکٹ کی پہلی کھلاڑی ہیں۔
کرکٹ سکاٹ لینڈ کا بتانا ہے کہ سکاٹش سپورٹس میں 1700 سے زائد سٹوڈنٹس ایتھلیٹس کو سپورٹ کیا جا رہا ہے، ایتھلیٹس کو سکالرشپ اکیڈمک کوالیفکیشن کی بنیاد پر فراہم کی جاتی ہے جو انہیں کامیابی کےساتھ آگے بڑھنے میں مدد کرتا ہے۔
کرکٹ سکاٹ لینڈ کے مطابق نیما شیخ اکاؤنٹینسی اور فنانس کی تعلیم گلاسکو یونیورسٹی سے حاصل کر رہی ہیں، نیما شیخ سمیت اس مرتبہ 105 سٹوڈنٹس ایتھلیٹس کو سکالرشپ میں شامل کیا گیا ہے، 31 مختلف ڈسپلن سے تعلق ر کھنے والے ایتھلیٹس کو تعلیم کے ساتھ کھیلوں میں ٹارگٹ کو حاصل کرنے میں سپورٹ کی جائے گی۔
اس حوالے سے نیما شیخ کا کہنا ہے کہ میرے لیے یہ اعزاز کی بات ہے کہ میں مین اینڈ ویمن سے پہلی کرکٹر ہوں، اس سکالرشپ کے ذریعے مجھے کھیل اور پڑھائی میں مزید آگے بڑھنے کا موقع ملے گا۔
واضح رہے کہ نیما شیخ نے 2023 میں انٹر نیشنل ڈیبیو کیا تھا، وہ 2 ون ڈے اور 7 ٹی 20 میچز میں سکاٹ لینڈ کی نمائندگی کرچکی ہیں۔
