لاہور: (دنیا نیوز) پاکستان کے سٹار بیٹر بابر اعظم نے بھارت کے ویرات کوہلی کا ریکارڈ برابر کردیا۔
سری لنکا کے خلاف ون ڈے ہوم سیریز کے پہلے میچ میں بابر اعظم 29 رنز بنا کر ہسارنگا کی گیند پر کلین بولڈ ہو گئے جس سے وہ ویرات کوہلی کے منفی ریکارڈ میں ساجھے دار بن گئے ہیں۔
بابر اعظم کو انٹرنیشنل سنچری بنائے ہوئے 83 اننگز گزر چکی ہیں، کوہلی نے بھی 2023 میں 83 اننگز کے بعد سنچری بنائی تھی، سری لنکن ٹیم کے موجودہ ہیڈ کوچ سنتھ جے سوریا اس معاملے میں سرفہرست ہیں، انہوں نے 88 اننگز کے صبر آزما انتظار کے بعد سنچری بنائی تھی۔
سابق ویسٹ انڈین سٹار شیونارائن چندرپال کو سنچری کیلئے 78 اننگز تک انتظار کرنا پڑا تھا، بابر اعظم نے آخری انٹرنیشنل سنچری 2023 کے ایشیا کپ میں نیپال کیخلاف بنائی تھی۔
