سری لنکا کیخلاف سیریز میں کامیابی پر وزیراعظم کا قومی ٹیم کو خراج تحسین

اسلام آباد: (دنیا نیوز) وزیراعظم شہباز شریف نے پاکستان کرکٹ ٹیم کے سری لنکا کے خلاف ون ڈے سیریز جیتنے پر خوشی کا اظہار کیا ہے۔

اپنے بیان میں وزیراعظم شہباز شریف نے کہا کہ پاکستان کرکٹ ٹیم کے تمام کھلاڑیوں، کوچز اور مینجمنٹ بالخصوص چیئرمین پی سی بی محسن نقوی نے جس عزم، محنت اور ٹیم سپِرٹ کا مظاہرہ کیا ہے، وہ قابلِ فخر ہے۔

— Shehbaz Sharif (@CMShehbaz) November 15, 2025

انہوں نے مزید کہا کہ اس کامیابی نے پوری قوم کا سر فخر سے بلند کر دیا ہے، میں پوری ٹیم کیلئے نیک خواہشات کا اظہار کرتا ہوں اور امید کرتا ہوں کہ وہ آئندہ بھی اسی جذبے اور کارکردگی کے ساتھ ملک و قوم کا نام روشن کرتے رہیں گے۔