راولپنڈی: (دنیا نیوز) سری لنکن ٹیم کے بیٹنگ کوچ جولین ووڈ نے کہا ہے کہ مایوسی ہوئی کہ بار بار ہماری ٹیم ایک ہی طرح کی غلطی کر رہی ہے۔
جولین ووڈ نے میچ کے بعد پریس کانفرنس کرتے ہوئے کہا ہے کہ سری لنکن بیٹرز نے پاور پلے میں اچھی بیٹنگ کی، ورلڈ کپ 2027 کی تیاری ابھی سے شروع کرنی ہے۔
انہوں نے کہا ہے کہ پاکستان نے حال ہی میں کافی کرکٹ کھیلی ہے، میں پاکستان میں کئی بار آیا، پاکستان میں کرکٹ سے محظوظ ہوتا ہوں۔
سری لنکن بیٹنگ کوچ نے مزید کہا ہے کہ پاکستانی فینز کا سری لنکا کو سپورٹ کرنا خوشی کی بات تھی، سری لنکا کو پہلا میچ جیتنا چاہیے تھا، دوسرے میچ میں سکور کم کیا۔
