کراچی: (دنیا نیوز) گورنر سندھ کامران خان ٹیسوری سے چیئرمین پاکستان ویٹرنز کرکٹ ایسوسی ایشن فواد اعجاز خان نے ملاقات کی جس میں ویٹرنز کرکٹ کی خدمات اور کھیلوں کے فروغ سے متعلق تفصیلی تبادلہ خیا ہوا۔
ملاقات کے دوران بتایا گیا کہ اوور 40 ٹی 20 ورلڈ کپ کا افتتاح 21 نومبر کو گورنر ہاؤس کراچی میں ہوگا جہاں شاندار آتشبازی کے ساتھ بین الاقوامی ویٹرنز ٹیمیں بھی شرکت کریں گی۔
ٹورنامنٹ میں 12 ٹیمیں حصہ لے رہی ہیں جبکہ مجموعی طور پر 42 میچز کھیلے جائیں گے۔
