راولپنڈی :(دنیا نیوز) ٹی 20 ٹرائی سیریز میں پاکستان نے زمبابوے کو 69 رنز سے شکست دے کر ایونٹ میں مسلسل تیسری کامیابی حاصل کرلی۔
پاکستان نے زمبابوے کے خلاف ٹاس جیت کا پہلے بیٹنگ کرتے ہوئے مقررہ 20 اوورز میں 195رنز بنائے،پاکستان کی جانب سے صاحبزادہ فرحان اور صائم ایوب نے اننگز کا آغاز کیا تاہم صائم ایک بار پھر لمبی اننگز کھیلنے میں ناکام رہے اور صرف 13 رنز بناکر 29 کے مجموعی سکور پر پویلین لوٹ گئے۔
اس کے بعد صاحبزادہ فرحان اور بابر اعظم نے شاندار بیٹنگ کی، صاحبزادہ فرحان نے 41 گیندوں پر 3 چھکوں اور چار چوکوں کی مدد سے 63 رنز کی شاندار اننگز کھیلی اور 132 کے مجموعی سکور پر آؤٹ ہوئے۔
اِسی طرح فہیم اشرف رن آؤٹ ہوکر پویلین لوٹے اور پھر بابر اعظم بھی 74 رنز بناکر 163 کے مجموعی سکور پر پویلین لوٹے، یوں پاکستان کی جانب سے زمبابوے کو جیت کیلئے196رنز کا ہدف دیا گیا ہے۔
دوسر ی جانب ہدف کے تعاقب میں زمبانوے کی ٹیم کا کوئی کھلاڑی کریز میں جم نہ کر کھیل سکا اور 60 رنز پر زمبابوے کی آدھی ٹیم پویلین لوٹ گئی، یوں پوری ٹیم 126رنز کے مجموعی سکور پر ڈھیر ہوگئی۔
پاکستان کی جانب سے عثمان طارق نے شاندارباؤلنگ کا مظاہرہ کرتے ہوئے ہیٹ کی اور ٹیم کی کامیابی پر مہر ثبت کی۔
واضح رہے پاکستان کی زمبابوے کے خلاف اس ایونٹ میں مسلسل دوسری کامیابی ہے جب کہ سری لنکا سے بھی ایک میچ جیت ہوچکی ہے۔
