لاہور: (دنیا نیوز) آسٹریلیا کے ون ڈے سیریز کے لیے دورہ پاکستان میں ردو بدل کا امکان ہے۔
ذرائع کے مطابق تین ون ڈے میچز کی سیریز شیڈول کے مطابق مارچ میں ہونے کا امکان نہیں ہے، پاکستان اور آسٹریلیا کے کرکٹ بورڈز کے درمیان سیریز کو ری شیڈول کرنے کے لیے بات چیت جاری ہے۔
ذرائع کا کہنا ہے کہ تین ون ڈے میچز کی سیریز اب پی ایس ایل کے بعد ہونے کا امکان ہے، ون ڈے سیریز 13 سے 19 مارچ تک تجویز کی گئی تھی، آسٹریلیا کی ٹیم ٹی 20 ورلڈکپ سے قبل ٹی 20 سیریز کھیلنے پاکستان آئے گی۔
پاکستان اور آسٹریلیا کے درمیان تین ٹی 20 میچز کی سیریز شیڈول ہے، ٹی 20 میچز کی سیریز 30 جنوری سے 5 فروری تک کھیلی جائے گی۔
