لاہور: (دنیا نیوز) پاکستان ویمنز انڈر 19 کرکٹ ٹیم کا دورہ بنگلا دیش، پی سی بی نے 15 رکنی پاکستان ویمنز انڈر 19 ٹیم کا اعلان کر دیا۔
پی سی بی کے مطابق ٹیم کی کپتانی آل راؤنڈر ایمان نصیر کریں گی، 15 رکنی دستے میں پچھلے انڈر 19 ورلڈ کپ میں شرکت کرنے والی آٹھ کھلاڑی شامل ہیں۔
کھلاڑیوں میں وکٹ کیپر کومل خان، سپنرز علیسہ مختیار، میمونہ خالد اور روزینہ اکرم شامل ہیں، عائشہ ریاض، شہر بانو، ماہ نور زیب اور بریرہ سیف فاسٹ بولنگ کی ذمہ داریاں ادا کریں گی۔
بیٹرز میں رویل فرحان، عریشہ انصاری، فضہ فیاض، ذوفشاں ایاز اور راحیمہ سید شامل ہیں، کپتان ایمان نصیر کے علاوہ اقصیٰ حبیب بھی بطور آل راؤنڈر کھیلیں گی۔
پاکستان ویمنز انڈر 19 ٹیم بنگلا دیش انڈر 19 کے خلاف 3 سے 12 دسمبر تک پانچ ٹی ٹوئنٹی میچز کھیلے گی۔
