سابق کپتان بابر اعظم نے ایک اور اعزاز اپنے نام کر لیا

Published On 29 November,2025 10:50 pm

راولپنڈی: (دنیا نیوز) پاکستان کرکٹ ٹیم کے سابق کپتان و مایہ ناز بلے باز بابر اعظم نے ایک اور اعزاز حاصل کر لیا۔

سابق کپتان بابر اعظم نے پاکستان کی جانب سے ٹی 20 انٹرنیشنل میں سب سے زیادہ کیچز پکڑنے کا ریکارڈ بنا لیا۔

بابر اعظم نے پاکستان کی جانب سے ٹی 20 انٹرنیشنل میں 60 کیچز پکڑنے کا ریکارڈ بنایا، بابر اعظم نے آج کے میچ میں 3 کیچ پکڑ کر فخر زمان کا 57 کیچز کا ریکارڈ توڑا۔