کوئٹہ: (دنیا نیوز) کوئٹہ میں منشیات کی بڑی کھیپ کو نظر آتش کیا گیا۔ تلف کی جانے والی منشیات میں ایک ہزار 145 کلوگرام حشیش، 510 کلو ہیروئین ، 350 کلوگرام افیون اور شراب کے مختلف برانڈز کی 58 بوتلیں شامل تھیں۔
کوئٹہ کے علاقے اسپین کاریز میں منشیات نذر آتش کرنے کی تقریب ہوئی جس میں پولیس کی مختلف کارروائیوں کے دوران پکڑی گئی منشیات کو جوڈیشئیل مجسٹریٹ کوئٹہ 12 ثمینہ نسرین کی نگرانی میں جلا دیا گیا۔ تلف کی جانے والے منشیات میں 145کلوگرام حشیش ، 510کلو گرام ہیروئن شامل ہے۔
منشیات کرائم برانچ نے شہر کے مختلف علاقوں میں کارروائیوں میں پکڑی تھیں۔ نذر آتش کی جانے والی منشیات کی قیمت 60 لاکھ روپے بتائی جاتی ہے۔ منشیات کو نذر آتش کرنے کا مقصد صوبے کو منشیات کی لعنت سے پاک کرنا ہے ۔ حکام نے اس موقع پر منشیات فروشوں کے خلاف جدوجہد جاری رکھنے کے عزم کا اظہار بھی کیا ۔
