کراچی: (دنیا نیوز) کراچی میں ڈاکوؤں نے بینک سے کیش لیکر نکلنے والے شہریوں کو ہدف بنا لیا، گلزار ہجری سکیم 33 کے علاقے میں 3 ڈاکوؤں نے شہری سے تین لاکھ روپے چھین لیے۔
کراچی کے علاقے گلزار ہجری سکیم 33 میں بینک سے کیش نکلوا کر گھر جانے والے شہری کو 3 ڈاکوؤں نے لوٹ لیا، ڈاکو شہری کا بینک سے گھر تک پیچھا کرتے رہے، دنیا نیوز کو موصول ہونے والی سی سی ٹی وی فوٹیج میں تین مسلح ڈاکوؤں کو دو موٹر سائیکلوں پر شہری کا پیچھا کرتے دیکھا جا سکتا ہے، ایک ڈاکو نے شہری کی بائیک کو روکا، دوسرے نے پیچھے سے آکر کیش چھین لیا۔
شہری کہتے ہیں بینک کے اندر یا باہر ڈکیتیوں کی وارداتیں معمول بن گئی ہیں تاہم واقعہ کی سی سی ٹی وی فوٹیج پولیس کو موصول ہونے کے باوجود تاحال کوئی کارروائی نہ کی جاسکی۔
