فیروزوالا: (دنیا نیوز) تھانہ فیروزوالا کے علاقے وڈالہ دیال شاہ بوٹا پارک میں پولیس کانسٹیبل نے مبینہ طور پر اپنے ماتھے پر گولی مار کر زندگی کا خاتمہ کر لیا۔
پولیس کے مطابق کانسٹیبل شیروز افضل انصاری نے اپنے گھر میں ماتھے پر پستول چلا کر خودکشی کی، متوفی کانسٹیبل شیروز افضل انصاری نے ابھی زندگی کی 22 بہاریں دیکھی تھی جبکہ چند ماہ قبل ان کی منگنی بھی طے ہوئی، متوفی کانسٹیبل کا تعلق پنجاب کانسٹیبلری کی بٹالین 7 سے تھا۔
خودکشی کرنے والا کانسٹیبل ایم پی اے ہاسٹلز لاہور میں سکیورٹی کی ڈیوٹی کرتا تھا، کانسٹیبل شیروز کی چند ماہ بعد شادی ہونے والی تھی، فیروزوالا پولیس نے متوفی کانسٹیبل کی لاش پوسٹ مارٹم کیلئے تحصیل ہیڈ کوارٹر ہسپتال پہنچا دی۔
