قصور: (دنیا نیوز) منشیات سمگلنگ میں ملوث 03 سمیت 07 ملزم گرفتار کر لئے گئے، ایک کروڑ روپے مالیت کی وائٹ کرسٹل ہیروئن، 50 لاکھ مالیت کا جدید ڈرون اور 28 لاکھ مالیت کی بیٹریاں برآمد کرلی گئیں۔
ڈی پی او محمد عیسیٰ خاں کی ہدایت پر ایس ایچ او بی ڈویژن محمد اسلم بھٹی نے ٹیم کے ہمراہ بڑی کارروائی کی، ملزمان کی شناخت رمضان عرف جانی، عرفان سکنائے روہیوال اور ایاز سکنہ ماڈل ٹاؤن لاہور کے ناموں سے ہوئی ہے، ملزموں کو بائی پاس کے قریب سے اطلاع ملنے پر سپیشل ناکہ بندی کر کے گرفتار کیا اور منشیات برآمد کرلی۔
پولیس حکام نے بتایا کہ ملزمان بدنام زمانہ ہیں جو منشیات سرحدی علاقوں میں سپلائی کرتے تھے، ملزموں کے خلاف امتناع منشیات کی دفعات کے تحت الگ الگ مقدمات درج کر لئے گئے۔
ولائتی شراب سپلائی کرتے ہوئے 04 ملزمان عرفان، لطیف، شاداب اور شاہ زیب کو بھی حراست میں لیا گیا، ملزموں کے قبضہ سے 95 والائتی شراب کی بوتلیں برآمد کر لی گئیں۔
