کراچی: (دنیا نیوز) کراچی کی علاقے طارق روڈ پر کسٹمز نے دکانوں پر چھاپا مارکر سمگل شدہ کپڑا اور دیگر اشیاء برآمد کرلیں۔
کسٹمز کے چھاپے کے دوران دکانداروں نے سخت احتجاج کیا اور منی ٹرک کو آگ لگا دی، پولیس نے مظاہرین پر لاٹھی چارج اور ہوائی فائرنگ کی جس سے مظاہرین منتشر ہو گئے۔
واضح رہے کہ اس سے قبل بھی کسٹمز حکام بڑی کارروائیوں کے دوران طارق روڈ کے شاپنگ مال سے لاکھوں روپے مالیت کا غیرقانونی کپڑا برآمد کر چکے ہیں۔
