کراچی: (دنیا نیوز) شہر قائد میں جمشید کوارٹر پولیس نے حسینی یتیم خانہ کے قریب ایک مبینہ مقابلے میں دو ڈاکوؤں کو گرفتار کر لیا۔
پولیس کے مطابق ملزمان کی گرفتاری دوران مقابلہ ہوئی جس میں ایک ملزم زخمی ہوگیا۔
پولیس حکام کے مطابق زخمی ملزم حکیم کو سول ہسپتال منتقل کر دیا گیا جبکہ دوسرے گرفتار ملزم فہیم کو پولیس سٹیشن منتقل کر دیا گیا ہے، پولیس نے دونوں ملزمان سے ایک پستول، تین موبائل فونز، کیش رقم اور ایک موٹرسائیکل برآمد کرنے کا دعویٰ کیا ہے۔
