رحیم یار خان: (ویب ڈیسک) کھوجی کتوں کی مدد سے چوروں کی تلاش میں نکلنے والی ٹیم خود بھی چوروں کے ہاتھوں اغوا ہوگئی۔
اپنی نوعیت کا یہ عجیب و غریب واقعہ پنجاب کے ضلع رحیم یار خان کے شہر صادق آباد میں پیش آیا جہاں نجی سراغ رساں کتوں کے ذریعے چوروں کو پکڑنے والی 4 رکنی ٹیم کو ڈاکوؤں نے اغوا کرلیا، صادق آباد پولیس کے مطابق مغویوں کے اغوا کا مقدمہ انسانی ہمدردی کی بنیاد پر صادق آباد میں درج کیا گیا ہے۔
پولیس نے مزید بتایا کہ 5 روز قبل لاپتہ کھوجی کتوں اور نجی ٹیم کو اوباڑو سے اغوا کیا گیا تھا، مغویوں کو بازیاب کروانے کیلئے رحیم یار خان، کشمور اور گھوٹکی پولیس کی مشترکہ کوششیں جاری ہیں۔
