کراچی: (دنیا نیوز) پاک بحریہ کی انسداد منشیات نے بڑا آپریشن کرتے ہوئے 130 ملین ڈالرز کی منشیات ضبط کر لی۔
پی این ایس تبوک نے بحیرہ عرب میں آپریشن ریجنل میری ٹائم سکیورٹی پٹرول کے دوران کیا، مشکوک ماہی گیر کشتی سے دو ہزار کلوگرام سے زائد آئس ضبط کی گئی، آپریشن سعودی عرب کی زیر قیادت کمبائنڈ میری ٹائم فورسز کی ٹاسک فورس 150 کی معاونت میں کیا گیا۔
گزشتہ دو ماہ میں پاک بحریہ کا مسلسل تیسرا کامیاب انسداد منشیات آپریشن ہے، پاک بحریہ سمندر میں غیر قانونی سرگرمیوں کی روک تھام کیلئے ہمہ وقت تیار ہے، پاک بحریہ قومی بحری مفادات کے تحفظ کیلئے پر عزم ہے اور عالمی میری ٹائم سکیورٹی میں فعال کردار ادا کر رہی ہے۔
