کراچی: (دنیا نیوز) اینٹی نارکوٹکس فورس (اے این ایف) نے 7 کارروائیوں کے دوران 417.69 کلو منشیات برآمد کر کے نائیجیرین باشندے سمیت 4 ملزمان گرفتار کر لئے۔
ترجمان اے این ایف کے مطابق کارروائیاں کراچی، اسلام آباد، پشاور اور چمن میں کی گئیں۔
حکام کا کہنا ہے کہ کارروائیوں کے دوران 300 کلو 93 گرام ہیروئن، 9.6 کلوگرام افیون، ایک کلو گرام آئس، 205 گرام کوکین، 106.8 کلو گرام وزنی 348000 ڈیازیپام گولیاں برآمد ہوئیں۔
ترجمان اے این ایف کے مطابق ملزمان کے خلاف انسداد منشیات ایکٹ 1997 کے تحت مقدمات درج کر لئے گئے۔
