کراچی: (دنیا نیوز) شہر قائد میں افغان شرپسندوں نے پولیس پر حملہ کر دیا، افغان شرپسند گرفتار افراد کو چھڑا کر فرار ہوگئے۔
پولیس ترجمان کے مطابق ملزمان نے اہلکاروں پر ڈنڈوں سے حملہ کیا اور فائرنگ بھی کی جس کے نتیجے میں پولیس موبائل کو نقصان پہنچا تاہم خوش قسمتی سے تمام اہلکار محفوظ رہے۔
ترجمان پولیس کے مطابق سہراب گوٹھ پولیس علاقے میں مقیم افغانی افراد کے خلاف آپریشن کر رہی تھی اسی دوران متعدد افراد کو حراست میں لیا گیا۔
پولیس کا کہنا ہے کہ زیرِ حراست افغانیوں کو چھڑانے کے لئے ان کے ساتھی بڑی تعداد میں موقع پر پہنچے اور پولیس پر حملہ کر کے انہیں زبردستی چھڑا کر لے گئے۔
